الرئيسيةالبوابةاليوميةس .و .جبحـثالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 هايط وإختآر بعدك وآحد يكمل على هياطك .

اذهب الى الأسفل 
كاتب الموضوعرسالة
mona
مشرف Moderator
مشرف Moderator
avatar

الابراج : الاسد

القرد
عدد المساهمات : 130
تاريخ التسجيل : 01/05/2010
العمر : 25

مُساهمةموضوع: هايط وإختآر بعدك وآحد يكمل على هياطك .   الإثنين أغسطس 02, 2010 7:41 am

السلآم عليكم ورحمة من الله وبركاته
,,

كيفكم يآ أمة محمد .. الزاي أحوالكو ايه .. طمنوني عنكو دنا وحشتكم << فااشل في التعبير
أول شي أنا زعلان عليكم ولآأحد يقول لي مبروك ولآشي أفااا عليكم بس
<~ من زين وجهك حتى يباركون لك
أبششركم أعتقت طاقتي لوجه الله الكريم بعد مآ خدمتني سنة كآملة من العطاء
وذلك بسبب ضروف غامضة وأختفائها في زوآج الليلة حضرته < صار أعتقتها هاه .. والله لو مآضيعتها مآتعتقها .. بلآها والله منحاشه من راسك اللي كبر الطابعة
الوكاد اشتريت طاقية جديدة وحالف عليها أني مآأضيعها ولو ضاعت بزعل منها < يآجماعة الرجال شاربها
..
مآعليكم من خربطتي خلونا نخش في صلب الموضوع < مسمار ذا مو موضوع
الموضوع يآجماعة الربع والنصف والـ 3 أرباع
هو عبارة عن تحشيش تكميلي .. أول شي عندي تعريف بخصوص كلمة (تحشيش)
تحشيش :- هي كلمة تنسب للضحك لأنها أنسب كلمة يمكن أن تنسب < أحد فهم شي
اللي بوصل له أن في يمكن أحد يتضايق من كلمة تحشيش .. يعني هي كلمة تعبر عن الضحك
لأن اغلب النكت عن المحششين ومضحكة .. فـ كلمة تحشيش عبارة للضحك فقط
أما لو جينا للجدية فـ أن شاء الله مآفينا أحد محشش .. ولو فيه أحد محشش تراني ببلغ عليه الدفااع المدني ..!! < فاهم غلط
..
نرجع لمحور وهجوم ووسط يمين حديثنا .. الموضوع عبارة عن تحشيش تكميلي
يعني أنا أبدأ بقصة خيالية ركزوآ على كلمة خيالية يعني ( موضوع كله خنبقة هيآط × هيآط )
وأكتب لي كم سسسطر وأختار عضو بعدي يكمل من آخر شي وصلته
أتمنى وصلت المعلوومة ولو مآوصلت يآليت تقبع براسك في جدار وتقرأ المعلومة من جديد
كود أن في مخك سكل مجروح فـ مع الخبطة يستوي وتوصل المعلومة < يآجماعة أحساس قاه يهذري
..
خلوني ألحين أبدأ بالشروط < أصلن مآسويت هالموضوع ألا عشان أبسوي شروط < أحس كشخة الشروط
كأني فآتح سوق وكاتب على باب الدخول اذا مآمعك عايلة أقلب وجهك < سوقي وأتحكم فيه بكيفي
نبدأ بالشروط (( والشروط قابلة للزيادة أذا أحتاجت زيادة ))
1- أتمنى مآيكون في التحشيش حش < قايل لكم مآني بصاحي الليله + فاشل في التعبير
بمعنى آخر مآيكون في التحشيش سب جارح .. ولآشي يعني يكون مو زين .. الخ
2- بما أن اللي يحششون كثير فـ أتمنى يكون الأختيار حولهم .. يعني مو تختار لي عضو جديد
وهو مآيدري وين الله قااطه خخ أمزح بس يعني اللي محترفين في التحشيش وهم كثار مآ شاء الله
وأنتم بكيفكم هذي مجرد وجهة نظر خاصة .. ولكم حرية الأختيار
3- أتمنى اللي بيكمل لآيتجاوز 15 سطر .. مو ترصد لي موضوع كآمل
هذا تحطيم للي بيكمل بعدك مآعاد له نفس يكمل يعني خلي تحشيشك قصير
4- ليش قلت خلي تحشيشك قصير .. لأن لآمانع من أختيارك مرة أخرى لكن بعد خمس أعضاء
يعني يوم تحشش وتطلب غيرك يكمل .. لآيحق لأحد يختارك ألا بعد مآيكمل خمس اعضاء للتحشيش
بعدين يمدييكم تختارون العضو اللي سبق وأن شارك .. ويشارك مرة أخرى
< أتمنى فهمتو لأني أنا أصلن مو فاهم وش أخنبق
5- أقصى مدة للي مختار ينزل تحشيشه هي يومين .. أذا مآنزل يتم أختيار شخص غيرهـ
6- اذا شاركت وجيت تبي تختار لآزم أول شي ترسل للعضو رسالة تشوف ترا ودهـ يشارك
أذا بيشارك ترجع ترد من جديد تقول أختار فلان .. وأذا مآبيشارك تشوف حدا غيرو < فرح بسيسو على غفلة
7- أذا نزل العضو تكملة التحشيش لآمانع من التعليق على تحشيشه ألى أن ينزل العضو الجديد المختار تكملته
8- بمآ أن المسابقة حقت أفضل موضوع مضحك .. تم لطشها في كثير من المنتديات
فـ مآبي أقول لآحد يلطش هالموضوع .. ألطشوآ يآملطوشين وحسابكم يوم الحساب <
والله وش أسوي .. قلت لحد يلطش ولطشوآ .. قلت ألطشو وأكتبو منقول .. لطشوآ ومآكتبوآ منقول
قلت أسألكم بالله اللي بيلطش يكتب منقول الا هل بلغت ألا فأشهد .. ولآعبروني ولطشوآ زي سلآم عليكم
مآعاد باقي ألا أقول حلآلكم الموضوع لطشوآ لين يطق فيكم عرق لآبارك الله فيكم < عصب
9- العضو المختار اذا جاء بيكمل على التحشيش لآبد أن يكتب تكملة ثم يتبعها التحشيش ويرسلها على 88855 < متأثر من أعلانات mbc
قصدي يكتب تكملة ثم ينزل تحشيشه ثم أذا بيوقف عند حد معين يكتب توقف
..

خلصنا الشروط .. وألحين ببدأ أقص شريط التحشيش

{...

في مرمرة من المرمرات كنت مآشي بكرسيدة جدي الـ 2010 < من أولها نصب
وأنا مآشي ألا وألقى أثنين يأشرون على الطريق وأنا اللي أدوس فرامل بغت تشمع فيني شاحنة شعير وراي
الوكآد وأنا اللي أسفط عند هاللي يأشرون .. وأردفت قآئلآ : نعم يآحلوين وين تبون
< علي الملآزيم الحلآ بديرة وهم بديرة بس تسليك عشان يركبون معي .. خبركم الطفرة تلعب دورها
قال وآحد منهم :- لآسلآم ولآكلام وصلنا أقرب مطعم بنشتري دخااان ..!!
قال الثاني وكآن معصب على خويه : يآخوي وش مطعم وتشتري منه دخان .. سكران أنت ؟
وألتفت يمي قائلآ : اخوي ماعليك منه هذا شوي العقل عنده مش ولآ بد بس وصلنا بنشر نبي نشرب شيشه ..!!!!!
وأنا اللي يفور دمي وأنزل وأركبهم بالمهاوش في السيارة .. لآبوكم لآبو الحظ اللي صادفني بكم
وأرجع أشغل السيارة وأمشي .. شوي كذآ قال الأول : معاك طفشان أفندي من تعب قلبي
توقف

...}


يالله الحين اللي بعدي يكمل من آخر شي وصلته .. يعني يقول لنا منو الثاني ويحط بهارات على الموضوع
ويحاول يجيب أحداث خيالية من راسه ولو بيدخل أعضاء آخرين بالتحشيش .. يآخذ راحته
أنتظروني أرجع أقول لكم من اللي بيكمل على التحشيش
لكم حرية التعليق .. أدري والله أدري بعضكم مو فاهم بس لمآ ننسجم في التحشيش
وكل وآحد يكمل بعد الثااني رآح تحلو بعدين
الرجوع الى أعلى الصفحة اذهب الى الأسفل
 
هايط وإختآر بعدك وآحد يكمل على هياطك .
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الترفية :: قسم الترفية والنكت-
انتقل الى: